د لیکوالانو لارښود
علمي مقالو د لیږلو لارښود
لومړۍ برخه: عمومي لارښوونې
- علمي مقالې د هر څیړونکي د اصلي کار په توګه باید د څیړنې اساس ولري او په بل ځای کې خپره شوې نه وي.
- علمي مقاله باید له هر ډول ادبي غلا څخه پاکه وي.
- د علمي مقالې طرز او لیکنه باید معیاري وي او له املائي او ګرامري غلطیو څخه پاکه وي.
- د علمي مقالو په لیکلو کې په عمده توګه معتبر علمي سرچینې کارول کیږي او کارول شوي سرچینې له 15 څخه کم نه وي.
- یوه علمي څیړنیزه مقاله باید دغه برخې ولري لکه: ۱- سرلیک، ۲- د لیکوال پېژنده، ۳- لنډیز، ۴- کلیدي کلمې، ۵- سریزه، ۶- مواد او د څېړنې میتود (د فرعي سرلیکونو سره لکه د مطالعې ساحه؛ معلومات څنګه راټولیږي؛ د معلوماتو تحلیل) ۷- څېړنې موندنې، ۸- بحث، ۹- پایله ۱۰- اخذلیکونو فهرست.
- د علمی مقالې لنډیز باید له 150 څخه تر 250 کلمو ډیر نه وي. د لنډیز برخې لکه: د موضوع پیژندنه، هدف، د څېړنې میتود، موندنې او پایله باید یوازې په یوه پراګراف کې ترتیب شي. که لنډیز د ټاکل شوي معیارونو څخه تیر شي، دا ممکن د مقالې د نه خپرولو لامل شي.
- د مقالو خط باید Bahij Zar وي.
- د مقالې د سرلیک اندازه (12 بولډ)، د مقالې د برخو اصلي سرلیکونه (12 بولډ)، فرعي سرلیکونه (12 نورمال) او د مقالې متن اندازه 12 نورمال وي.
- د جدولونو د کرښې اندازه، ګرافونه باید د مقالې د اصلي متن څخه دوه اندازې کوچنۍ وي.
- د اخځلیکونو د لیست اندازه باید د مقالې د اصلي متن څخه دوه اندازې کوچنۍ وي.
- د فوټ نوټونو د فونټ اندازه باید د مقالې له اصلي متن څخه دوه اندازې کوچنۍ وي.
- د APA طریقه د متن دننه حواله کولو او د اخځلیکونو لیست په تألیف کې کارول کیږي.
- د جدول په سر کې د جدول پیژندنه او د انځورونو او ګرافونو پیژندنه د ګراف لاندې تنطیم شي، (نمونې مراجعه وشي).
- ګرافونه او جدولونه باید د سمون وړ وي.
- ټولې مقالې باید د Word په فارمټ کې را واستول شي او یونیم سانتي په اندازې ځای په څلور اړخونو کې ورته په پام کې ونیول شي.
- مقاله باید په وزیري سایز(۱۷x۲۴) ورقه کې ترتیب شي.
دویمه برخه: لومړني مشخصات
۱. د مقالې سرلیک باید واضح او مشخص وي.
۲. د سرلیک لاندې باید د لیکوال معلومات او پته په دري یا پښتو ژبه ولیکل شي.
۳. اړونده اداره، ډیپارټمنټ او پوهنتون باید په روښانه ډول مشخص شي.
۴. د لیکوال برېښنالیک پته باید ذکر شي.
۵. د مسؤل لیکوال د اړیکې شمېره باید په مقاله کې شامله وي.
۶. لنډیز او ټول هغه معلومات چې په لنډیز کې ذکر کېږي باید په نړیواله ژبه (انګلیسي) وړاندې شي.
دریمه برخه: د مقالې جوړښت او برخې
- د دې لارښود د دویم بند پر بنسټ، لنډیز باید د 150 تر 250 کلمو ترمنځ وي.
- کلیدی کلمې باید په نړیواله، دري او پښتو ژبو کې د الفبا د حروفو پر بنسټ یو شان وي.
- په سریزه کې باید د موضوع علمي پېژندنه، د څېړنې شالید او اساسي جزئیات، د موضوع اهمیت، د موجوده علمي کارونو لنډه ارزونه، او د څېړنې موخه په واضح او منظم ډول بیان شي. همدارنګه، اړینه ده چې په سریزه کې د معتبرو علمي سرچینو او مراجعو حوالې هم شاملې وي، څو د موضوع علمي بنسټ او اعتبار څرګند شي.
- د کار میتولوژی او مواد باید د دې لارښود د لومړي بند مطابق تنظیم شي.
- د څېړنې موندنې باید د امکان په صورت کې د ارقامو او جدولو کې ترتیب شي.
- بحث (ستاسو مطالعه د نورو مطالعې سره پرتله کول او د سرچینو په شمول مهم مقایسه قضیې او ممکن د څیړونکي وړاندیزونه پکې شامل وي).
- پایلې (باید د یوې پراګراف په څېر لنډې د 100 تر 200 کلمو زیات نه وي.
- سرچینې (د APA سټایل سره) له 15 څخه کم نه وي، ټولې سرچینې باید معتبرې وي.
یادونه: د یو Systematic Review (مروری) مقالې لاندې برخې لري:
سرلیک، د لیکوال پیژندنه او پته، لنډیز، کلیدي کلمې، سریزه، میتودولوژی، د یوې ځانګړې موضوع په اړه د تیرو څیړنو هر اړخیزه کتنه ترڅو ټول قضیې په دقت سره څېړل شوي وي او د پایلې لنډیز څومره چې ممکنه وي د 200 کلمو څخه زیات ونه لیکل شي.
جدول باید په APA ډول ترتیب شي لکه لاندې جدول
د انځور او ګراف نمونې
شکل 1. الف او ب په ترتیب باندی در اوبو د اوبو د TDS ښکارندوی دی
د APA اخذلیکونو نمونه:
- کتاب: موسوی، حسین. (۱۳۹۹). نظریه ادبی: دیدگاهها و رویکردها. انتشارات دانشگاه تهران.
- د مجلو مقاله: افشاری، علی. (۱۳۹۷). نقد و بررسی کتابهای ادبی. فصلنامه علمی ـ پژوهشی ادبیات فارسی، ۵(۲)، ۱۲۳–۱۳۵.
- انلاینه مبع: محمدی، فهیم الله. (۱۳۹۵). تاریخچه ادبیات فارسی. وبسایت ادبیات فارسی. (آدرس وبسایت)
- منوګراف رساله: کاظمی، محمد. (۱۳۹۸). مفهوم دین در اشعار مولوی (پایاننامه کارشناسی ارشد، دانشگاه شهید بهشتی).
د انګلیسی ژبی اخذلیکونه
- Book: Smith, J. D. (2010). The Power of Habit. Random House.
- Journal Article: Johnson, A. B., & Williams, C. D. (2018). The Effects of Climate Change on Polar Bears. Environmental Science Journal, 15(3), 102-115.
- Online Source: Brown, K. M. (2015). The Impact of Social Media on Mental Health. Psych Central. URL: [website address].
- Thesis: Miller, R. L. (2019). The Role of Leadership in Organizational Change (Doctoral dissertation). University of California, Los Angeles.
